1 Chronicles 2

2 Kings  «  1 Chronicles 1  ‹  1 Chronicles 2  ›  1 Chronicles 3  »  2 Chronicles

ՅՈՒԴԱՅԻ ԶԱՐՄԵՐԸ

Ահա՛ւասիկ Իսրայէլի որդիները.— Ռուբէն, Շմաւոն, Ղեւի, Յուդա, Իսաքար, Զաբուղոն,

Դան, Յովսէփ, Բենիամին, Նեփթաղիմ, Գադ եւ Ասեր։

Յուդայի որդիներն էին՝ Էր, Օնան ու Սելոմ. այս երեքը Քանանացի Շաւայի աղջիկէն ծնան անոր։ Յուդայի անդրանիկը՝ Էր ¹Տէրոջ ²առջեւ չար էր. ուստի Տէրը զինք մեռցուց։

Անոր հարսը՝ Թամար Փարէսն ու Զարան ծնաւ անոր։ Յուդայի բոլոր որդիները՝ հինգ էին։

Փարէսի որդիները՝ Եսրոն ու Համուլ։

Զարայի որդիները՝ Զամբրի, Եթան, Եման, Քալքոլ ու ³Դարա. բոլորը հինգ էին։

Քարմիի որդին՝ Աքար, որ նզովուածով ուխտազանց եղաւ, ու Իսրայէլը դժբախտացուց։

Եթանի որդին՝ Ազարիա։

ԴԱՒԻԹ ԹԱԳԱՒՈՐԻՆ ՏՈՀՄԱԾԱՌԸ

Եսրոնի որդիները՝ որ անոր ծնան, Յերամէլ, ⁴Արամ ու ⁵Քեղուբայ էին։

Արամ ծնաւ Ամինադաբը. Ամինադաբ ծնաւ Յուդայի որդիներուն իշխանը՝ Նաասոնը։

Նաասոն ծնաւ Սաղմոնը. Սաղմոն ծնաւ Բոոսը.

Բոոս ծնաւ Ովբէդը, եւ Ովբէդ ծնաւ Յեսսէն։

Յեսսէ ծնաւ իր անդրանիկը՝ Եղիաբը, երկրորդը՝ Աբինադաբը, երրորդը՝ Սամաան,

չորրորդը՝ Նաթանայէլը, հինգերորդը՝ Հռադային,

վեցերորդը՝ Ասոմը, եօթներորդը՝ Դաւիթը,

եւ անոնց քոյրերը՝ Շարուհեա ու Աբիգեա։ Շարուհեայի որդիները երեք էին՝ Աբեսսա, Յովաբ եւ Ասայէլ։

Աբիգեա ծնաւ Ամեսային. Ամեսայիի հայրն էր՝ Իսմայելացի Յեթեր։

ԵՍՐՈՆԻ ԶԱՐՄԸ

Եսրոնի որդին՝ Քաղէբ, որդիներ ծնաւ իր կնոջմէն՝ Ազուբայէ ու Յերիոթէ։ Անոր որդիները հետեւեալներն էին.— Յասեր, Սովբաբ ու Արդոն։

Երբ Ազուբա մեռաւ, Քաղէբ իրեն իբր կին առաւ Եփրաթը, որ անոր ծնաւ Ովրը։

Ովր ծնաւ Ուրին, եւ Ուրի ծնաւ Բեսելիէլը։

Անկէ ետք Եսրոն Գաղաադի հօր՝ Մաքիրի աղջիկին մտաւ, ու զայն իբր կին առաւ երբ ինք վաթսուն տարեկան էր։ Ան Սեգուբը ծնաւ իրեն.

Սեգուբ ծնաւ Յայիրը, որ Գաղաադի երկրին մէջ քսաներեք քաղաք ունեցաւ։

Ան ⁶Գեսուրէ եւ Արամէ՝՝ գրաւեց Յայիրի գիւղաքաղաքները, Կանաթն ու անոր գիւղերը, վաթսուն քաղաք։ Ասոնք բոլորը Գաղաադի հօր՝ Մաքիրի որդիներունն էին։

Եսրոնի մեռնելէն ետք՝ ⁷Քաղէբ-Եփրաթայի մէջ, Եսրոնի կինը՝ Աբիա՝՝ անոր ծնաւ Թեկուէի հայրը՝ Ասքուրը։

ՅԵՐԱՄԷԼԻ ԶԱՐՄԸ

Եսրոնի անդրանիկին՝ Յերամէլի որդիները հետեւեալներն էին.— անդրանիկը՝ Հռամ, Բունա, Օրէն, Ասոմ եւ Աքիա։

Յերամէլ ուրիշ կին մը ունէր, որուն անունը Ատարա էր. ան Օնամի մայրը եղաւ։

Յերամէլի անդրանիկին՝ Հռամի որդիները հետեւեալներն էին.— Մաաս, Յամին եւ Ակոր։

Օնամի որդիներն էին՝ Սամայի ու Յուդա. Սամայիի որդիները՝ Նադաբ եւ Աբիսուր։

Աբիսուրի կնոջ անունը Աբիհայիլ էր, որ իրեն ծնաւ Աքբանը եւ Մովղիդը։

Նադաբի որդիներն էին՝ Սաղադ ու Ափփեմ. Սաղադ անորդի մեռաւ.

Ափփեմի որդին՝ Յեսսի, Յեսսիի որդին՝ Սեսան, Սեսանի որդին՝ Աղայի։

Սամայիի եղբօր՝ Յադայի որդիներն էին՝ Յեթեր եւ Յովնաթան. Յեթեր անորդի մեռաւ.

Յովնաթանի որդիները՝ Փաղէթ ու Զազա։ Ասո՛նք էին Յերամէլի որդիները։

Սեսան որդիներ չունեցաւ, հապա միայն աղջիկներ։ Սեսան Յարքա անունով եգիպտացի ծառայ մը ունէր։

Սեսան իր ծառային՝ Յարքայի տուաւ իր աղջիկը իբր կին, որ անոր Եթթին ծնաւ։

Եթթի ծնաւ Նաթանը, Նաթան ծնաւ Զաբաթը,

Զաբաթ ծնաւ Ոփղաղը, Ոփղաղ ծնաւ Ովբէդը,

Ովբէդ ծնաւ Յէուն, Յէու ծնաւ Ազարիան,

Ազարիա ծնաւ Քեղղէսը, Քեղղէս ծնաւ Եղեասան,

Եղեասա ծնաւ Սոսոմէն, Սոսոմէ ծնաւ Սեղղումը,

Սեղղում ծնաւ Յեկամիան, ու Յեկամիա ծնաւ Եղիսաման։

ՔԱՂԷԲԻ ԶԱՐՄԸ

Ահա՛ւասիկ Յերամէլի եղբօր՝ Քաղէբի որդիները.— անոր անդրանիկը՝ Մեսա, որ Զիփի հայրն էր, ու ⁸Քեբրոնի հայրը՝ Մարեսայի որդին՝՝.

Քեբրոնի որդիները՝ Կորխ, Թափուա, Րոկոմ եւ Սեմա։

Սեմա ծնաւ Հռաամը՝ Յարկաամի հայրը, ու Րոկոմ ծնաւ Սամային։

Սամայիի որդին էր Մաոն. Մաոն Բեթսուրի հայրն էր։

Քաղէբի հարճը՝ Գեփա ծնաւ Առանը, Մոսան ու Գազէզը. Առան ծնաւ Գազէզը։

Յադայիի որդիներն էին՝ Հռագեմ, Յովաթամ, Գեսան, Փաղէտ, Գեփա ու Սագափ։

Քաղէբի հարճը՝ Մաաքա ծնաւ Սեբերը եւ Թարանան.

նաեւ ծնաւ Մաթմաննայի հայրը՝ Սագափը, ու Մաքաբենայի հայրը եւ Գաբաայի հայրը՝ Շաւան. Քաղէբի աղջիկն էր Աքսա։

Ահա՛ւասիկ Եփրաթի անդրանիկին՝ Ովրի որդիին Քաղէբի որդիները.— Կարիաթարիմի հայրը՝ Սոբաղ,

Բեթլեհէմի հայրը՝ Սաղմոն, Բեթգադերի հայրը՝ Հարէփ։

Կարիաթարիմի հայրը՝ Սոբաղ որդիներ ունեցաւ.— Հարօէ ու Մանաքաթացիներուն կէսը։

Կարիաթարիմի տոհմերը՝ Յեթերացիները, Փութացիները, Սամաթացիները, եւ Մասարացիներն էին։ Սարաացիներն ու Եսթաւուղացիները ասոնցմէ ⁹սերած են։

Սաղմոնի որդիներն էին՝ Բեթլեհէմ, Նետոփաթացիները, Ատարովթ, Յովաբի տունը, Մանաքաթացիներուն կէսը, Սարացիները,

եւ Գաբէսի մէջ բնակող դպիրներուն տոհմերը՝ Թարգաթացիները, Սամաթացիներն ու Սովկաթացիները. ասոնք Ռեքաբի տան հօրմէն՝ Եմաթէ ¹⁰սերող Կենեցիներն էին։