1 Chronicles 3

2 Kings  «  1 Chronicles 2  ‹  1 Chronicles 3  ›  1 Chronicles 4  »  2 Chronicles

ԴԱՒԻԹ ԹԱԳԱՒՈՐԻՆ ՈՐԴԻՆԵՐԸ

Ահա՛ւասիկ Քեբրոնի մէջ Դաւիթի ծնած որդիները.— անդրանիկը՝ Ամնոն, Յեզրայելացի Աքինոամէն, երկրորդը՝ Դանիէլ, Կարմելացի Աբիգեայէն,

երրորդը՝ Աբիսողոմ, Գեսուրի թագաւորին՝ Թոլմիի աղջիկին՝ Մաաքայի որդին, չորրորդը՝ Ադոնիա, Ագգիթի որդին,

հինգերորդը՝ Սափատիա, Աբիտալէն, վեցերորդը՝ Յեթրամ, իր կնոջմէն՝ Եգղայէն։

Այս վեցը անոր ծնան Քեբրոնի մէջ. հոն եօթը տարի ու վեց ամիս թագաւորեց, իսկ Երուսաղէմի մէջ երեսուներեք տարի թագաւորեց։

Երուսաղէմի մէջ հետեւեալները ծնան անոր.— Սամաա, Սովբաբ, Նաթան եւ Սողոմոն. այս չորսը Ամիէլի աղջիկէն՝ Բեթսաբէէն ծնան։

Նաեւ Յեբաար, ¹Եղիսամա, ²Եղիփաղէտ,

Նոքա, Նափէկ, Յափիէ,

Եղիսամա, Եղիադա ու Եղիփաղէտ. ասոնք ինն էին։

Բոլորն ալ Դաւիթի որդիներն էին, հարճերուն որդիներէն եւ անոնց քրոջմէն՝ Թամարէն զատ։

ՍՈՂՈՄՈՆ ԹԱԳԱՒՈՐԻՆ ԶԱՐՄԸ

Սողոմոնի որդին էր Ռոբովամ։ Անոր որդին՝ Աբիա, անոր որդին՝ Ասա, անոր որդին՝ Յովսափատ,

անոր որդին՝ Յովրամ, անոր որդին՝ Ոքազիա, անոր որդին՝ Յովաս,

անոր որդին՝ Ամասիա, անոր որդին՝ Ազարիա, անոր որդին՝ Յովաթամ,

անոր որդին՝ Աքազ, անոր որդին՝ Եզեկիա, անոր որդին՝ Մանասէ,

անոր որդին՝ Ամոն, անոր որդին՝ Յովսիա։

Յովսիայի որդիներն էին.— անդրանիկը՝ Յոհանան, երկրորդը՝ Յովակիմ, երրորդը՝ Սեդեկիա, չորրորդը՝ Սեղղում։

Յովակիմի որդիներն էին.— անոր որդին՝ Յեքոնիա, անոր որդին՝ Սեդեկիա։

Յեքոնիայի որդիներն էին՝ Ասիր, անոր որդին՝ Սաղաթիէլ.

նաեւ Մեղքիրամ, Փադայիա, Սանեսար, Յեկամիա, Ովսամա ու Նադաբիա։

Փադայիայի որդիներն էին՝ Զօրաբաբէլ եւ Սեմէի. Զօրաբաբէլի որդիները՝ Մեսուղամ ու Անանիա, եւ անոնց քոյրը՝ Սաղոմիթ.

նաեւ Ասուբա, Ոհող, Բարաքիա, Ասադիա եւ Յովսաբեսեդ՝ հինգ էին։

Անանիայի որդիներն էին՝ Փաղատիա ու Եսայի. ³Հռափայիայի որդիները, Ոռնայի որդիները, Աբդիայի որդիները, Սեքենիայի որդիները՝՝։

Սեքենիայի որդին էր Սեմայիա. Սեմայիայի որդիները՝ Քետտուս, Իգաղ, Բերիա, Նաարիա ու Սափատ՝ վեց էին։

Նաարիայի որդիները՝ Եղիովենայի, Եզեկիա ու Եզրիկամ՝ երեք էին։

Եղիովենայիի որդիները՝ Ովդուիա, Եղիասիբ, Փաղայիա, Ակկուբ, Յոհանան, Դաղայի եւ Անանի՝ եօթն էին։