1 Chronicles 4

2 Kings  «  1 Chronicles 3  ‹  1 Chronicles 4  ›  1 Chronicles 5  »  2 Chronicles

ՅՈՒԴԱՅԻ ԶԱՐՄԸ

Յուդայի որդիներն էին՝ Փարէս, Եսրոն, Քարմի, Ովր ու Սոբաղ։

Սոբաղի որդին՝ Ռէայիա Յէթը ծնաւ. Յէթ՝ Աքիմայի ու Ղաադը ծնաւ։ Ասո՛նք են Սարաացիներուն տոհմերը։

Ասո՛նք ալ Ետամի ¹հօրմէն եղան.— Յեզրայէլ, Յեսմա ու Յեդրաս. անոնց քրոջ անունը Եսեղեփոն էր։

Գեդովրի հայրն էր Փանուէլ, եւ Ովսայի՝ հայրը Եզեր. ասոնք Բեթլեհէմի հօր՝ Եփրաթի անդրանիկին՝ Ովրի որդիներն էին։

Թեկուէի հայրը՝ Ասքուր երկու կին ունէր, Եղաա ու Նաարա։

Նաարա անոր ծնաւ Ոքոզամը, Ոփերը, Թեմանը եւ Ահասթարին. ասո՛նք էին Նաարայի որդիները։

Եղաայի որդիներն էին՝ Սարէթ, Սահառ ու Եթնան։

Կովս ծնաւ Ենովբը, Սոբեբան, եւ Հարումի որդիին՝ Ահարհէլի տոհմերը։

Գաբէս իր եղբայրներէն աւելի պատուաւոր էր։ Անոր մայրը իր անունը ²Գաբէս դրաւ՝ ըսելով. «Զայն ցաւով ծնայ»։

Գաբէս Իսրայէլի Աստուծոյն աղաղակեց եւ ըսաւ. «Երանի՜ թէ զիս առատօրէն օրհնես, իմ հողամասս մեծցնես, քու ձեռքդ ինծի հետ ըլլայ ու զիս չարէն ազատես, որպէսզի չվշտանամ»։ Աստուած ալ անոր խնդրանքը ³իրագործեց։

ՈՒՐԻՇ ԸՆՏԱՆԻՔՆԵՐՈՒ ՑԱՆԿ

Սուհայի եղբայրը՝ Քեղուբ Մաքիրը ծնաւ, որ Եսթոնի հայրն էր։

Եսթոն ծնաւ Բեթռափան, Փասէն, եւ Իրնաասի հայրը՝ Թանան։ Ասո՛նք էին Հռեքայի մարդիկը։

Կենեզի որդիներն էին՝ Գոթոնիէլ ու Սարայիա. Գոթոնիէլի որդին էր Աթաթ։

Մաոնաթայի ծնաւ Եփրան. Սարայիա ծնաւ Յովաբը՝ ⁴Գեքարասիմի հայրը. (արդարեւ անոնք արհեստաւորներ էին։)

Յեփոնեան Քաղէբի որդիներն էին՝ Իրու, Էլա ու Նաամ. Էլայի որդին էր Կենեզ։

Յալելէլի որդիները՝ Զիփ, Զիփա, Թիրիա եւ Ասարէլ։

Եզրայի որդիները՝ Յեթեր, Մորադ, Ափեր ու Յաղոն։ Ասոր կինը ծնաւ Մարիամը, Սամային եւ Եսթեմովի հայրը՝ Յեսբան։

Անոր կինը՝ Յուդիա ծնաւ Գեդովրի հայրը՝ Յարեդը, Սոքովի հայրը՝ Քաբերը, ու Զանովի հայրը՝ Յեքթիէլը։ Ասոնք էին Մորադի իբր կին առած Փարաւոնի աղջիկին՝ Բեթիայի որդիները։

Անոր կնոջ՝ Ովդիայի — Նայեմի քրոջ — որդիներն էին՝ ⁵Կէիլայի հայրը՝ Գարմի՝՝, եւ Մաքաթացի Եսթեմով։

Սիմոնի որդիներն էին՝ Ամնոն, Հռինա, Բենանան ու Թիղոն։ Յեսսիի որդիներն էին՝ Զոհէթ ու Բենզոհէթ։

ՍԵԼՈՄԻ ՍԵՐՈԻՆԴԸ

Յուդայի որդիին՝ Սելոմի որդիներն էին՝ Ղեքայի հայրը՝ Էր, Մարեսայի հայրը՝ Ղաադա, եւ Ասբէայի տան — բեհեզագործներուն տան — տոհմերը։

Նաեւ Յովակիմ, Քուզեբայի մարդիկը, Յովաս ու Սարափ, որոնք Մովաբի մէջ ⁶ստացուածք ունէին՝՝, ու ⁷Յասուբի-Լեհէմ. ⁸իսկ ասոնք հին բաներ են՝՝։

Ասոնք բրուտներ էին, եւ ⁹Նեթայիմի ու Գադերայի՝՝ մէջ կը բնակէին։ Հոն կը բնակէին՝ թագաւորին քով, անոր գործին համար։

ՇՄԱՒՈՆԻ ԶԱՐՄԸ

Շմաւոնի որդիներն էին՝ Նամուէլ, Յամին, Յարիբ, Զարա եւ Սաւուղ։

Անոր որդին՝ Սեղղում, անոր որդին՝ Մաբսամ, անոր որդին՝ Մասմա։

Մասմայի որդիները.— անոր որդին՝ Ամուէլ, անոր որդին՝ Զաքուր, անոր որդին՝ Սեմէի։

Սեմէի տասնվեց որդի ու վեց աղջիկ ունէր, բայց անոր եղբայրները շատ որդիներ չունէին. ուստի անոնց բոլոր տոհմերը Յուդայի որդիներուն չափ չբազմացան։

Անոնք Բերսաբէի, Մոլադայի, Ասեր- Սուաղի,

Բաղայի, Ասեմի, Թուղաթի,

Բաթուլի, Հորմայի, Սիկելակի,

Բեթմարքաբովթի, Ասեր-Սուսիմի, Բեթբարէիի, եւ Սագարիմի մէջ բնակեցան։ Մինչեւ Դաւիթի թագաւոր եղած ատենը՝ ասոնք էին անոնց քաղաքները,

եւ անոնց գիւղերը։ Նաեւ Եթամ, Ային, Ռեմոն, Թոքան ու Ասան՝ հինգ քաղաք,

եւ այս քաղաքներուն շրջակայքը եղած բոլոր գիւղերը՝ մինչեւ Բահաղ. ասո՛նք էին անոնց բնակութիւններն ու ազգահամարը։

Նաեւ Մոսոբաբ, Յամլէք, Ամասիայի որդին՝ Յոսա,

Յովէլ, Ասիէլիի որդիին՝ Սարայիայի որդիին՝ Յոսաբիայի որդին՝ Յէու,

Եղիովենայի, Յեկեբա, Յասուիա, Ասայիա, Ադիէլ, Յեսեմիէլ, Բանեա,

ու Սեմայիայի որդիին՝ Սամարիի որդիին՝ Յեդայիայի որդիին՝ Աղոնի որդիին՝ Սեփէիի որդին՝ Զիզա։

Այս անուններով յիշուածները՝ իրենց տոհմերուն մէջ իշխաններ էին, եւ անոնց ¹⁰նահապետութիւնները յոյժ բարգաւաճեցան։

Իրենց անասուններուն համար արօտ փնտռելով՝ Գեդովրի մուտքը գացին, մինչեւ ձորին արեւելեան կողմը։

Պարարտ ու լաւ արօտ գտան. այդ երկիրը ընդարձակ, հանդարտ եւ անդորր էր, քանի որ Քամէն եղողները առաջ հոն կը բնակէին։

Այս անուններով գրուածները՝ Յուդայի Եզեկիա թագաւորին օրերը գացին, անոնց վրաններն ու հոն գտնուած բնակավայրերը զարկին, զանոնք անճիտեցին մինչեւ այսօր, եւ անոնց տեղը բնակեցան. արդարեւ հոն արօտ կար իրենց հօտերուն համար։

Անոնցմէ՝ այսինքն Շմաւոնի որդիներէն՝ հինգ հարիւր մարդ Սէիրի լեռը գնաց, իրենց վրայ զօրագլուխ ունենալով Յեսսիի որդիները՝ Փաղատիան, Նաարիան, Հռափայիան եւ Ոզիէլը։

Ամաղէկի ազատած մնացորդը զարկին, ու մինչեւ այսօր հոն բնակեցան։