1 Chronicles 7

2 Kings  «  1 Chronicles 6  ‹  1 Chronicles 7  ›  1 Chronicles 8  »  2 Chronicles

ԻՍԱՔԱՐԻ ԶԱՐՄԸ

Իսաքարի որդիները՝ Թովղա, Փուա, Յասուբ եւ Սամրոն՝ չորս էին։

Թովղայի որդիները՝ Ոզի, Հռափայիա, Յերիէլ, Յեմայի, Յեբսամ ու Սամուէլ, իրենց — Թովղայի — նահապետութիւններուն գլխաւորներն էին, եւ իրենց ¹սերունդին մէջ զօրաւոր կտրիճներ։ Դաւիթի օրերը անոնց թիւը քսաներկու հազար վեց հարիւր էր։

Ոզիի որդին՝ Յեզերիա, ու Յեզերիայի որդիները՝ Միքայէլ, Աբդիա, Յովէլ եւ Յեսիա՝ հինգ էին, բոլորն ալ՝ գլխաւորներ։

Անոնց հետ՝ իրենց ծնունդներուն ու նահապետութիւններուն համեմատ՝ պատերազմի գունդեր կային, երեսունվեց հազար զօրք, քանի որ շատ կիներ եւ որդիներ ունէին։

Անոնց եղբայրները — զօրաւոր կտրիճներ — Իսաքարի բոլոր տոհմերուն մէջ՝ ութսունեօթը հազար էին բոլորը միասին, իրենց ազգահամարին համեմատ։

ԲԵՆԻԱՄԻՆԻ ՈՒ ԴԱՆԻ ԶԱՐՄԵՐԸ

Բենիամինին որդիները՝ Բաղա, Բոքոր ու Յեդիէլ, երեք էին։

Բաղայի որդիները՝ Եսբոն, Ոզի, Ոզիէլ, Յերիմովթ եւ Իրի — իրենց նահապետութեան գլխաւորներն ու զօրաւոր կտրիճները — հինգ էին. անոնց ազգահամարին մէջ արձանագրուածները քսաներկու հազար երեսունչորս էին։

Բոքորի որդիներն էին՝ Զամիրա, Յովաս, Եղիազար, Եղիովենայի, Ամրի, Յերիմովթ, Աբիա, Անաթովթ ու Գաղեմէթ.

ասոնք բոլորը Բոքորի որդիներն էին։ Այս նահապետութեան գլխաւորներուն ու զօրաւոր կտրիճներուն ծնունդներու ազգահամարին մէջ՝ քսան հազար երկու հարիւր հոգի կար։

Յեդիէլի որդին էր Բաղղան, ու Բաղղանի որդիները՝ Յէուս, Բենիամին, Աւովդ, Քանանա, Զեթան, Թարսիս եւ Աքիսաար։

Այս բոլոր Յեդիէլի որդիները՝ իրենց ²նահապետներով ու զօրաւոր կտրիճներով՝ տասնեօթը հազար երկու հարիւր պատերազմի ³գացող զօրքեր էին։

Սուփիմ եւ Ոփիմ Իրիի որդիներն էին, Հուսիմ ալ Աքերի որդին էր։

Նեփթաղիմի որդիները՝ Յասիէլ, Գունի, Յասեր ու Սեղղում՝ Բաղղա ստրկուհիին որդիներն էին։

ՄԱՆԱՍԷԻ ԶԱՐՄԸ

Մանասէի որդիներն էին՝ Ասրիէլ, որ իր կինը ծնաւ, ու Գաղաադի հայրը՝ Մաքիր, որ իր ասորի հարճը ծնաւ։

Մաքիր իրեն իբր կին առաւ Ոփիմի ու Սուփիմի քոյրը, որուն անունը Մաաքա էր. երկրորդ որդիին անունը Սալպաադ էր։ Սալպաադ միայն աղջիկներ ունեցաւ։

Մաքիրի կինը՝ Մաաքա որդի մը ծնաւ, եւ անոր անունը Փարէս կոչեց։ Անոր եղբօր անունը Սարէս էր. անոր որդիներն էին՝ Ուղամ ու Րոկոմ.

Ուղամի որդին էր Բեդան։ Ասո՛նք էին Մանասէի որդիին՝ Մաքիրի որդիին՝ Գաղաադի որդիները։

Անոր քոյրը՝ Մաղեքէթ ծնաւ Եսուդը, Աբիեզերն ու Մաալան։

Սեմիդայի որդիներն էին՝ Աքիան, Սիւքէմ, Ղակէի եւ Անիամ։

ԵՓՐԵՄԻ ԶԱՐՄԸ

Եփրեմի որդիներն էին՝ Սուտաղա, (եւ անոր որդին՝ Բարադ, անոր որդին՝ Եղիադա, անոր որդին Թաաթ,

անոր որդին՝ Զաբադ, անոր որդին՝ Սուտաղա,) նաեւ Եզեր ու Եղիադ։ Այդ երկրին մէջ ծնած Գեթացիները զանոնք մեռցուցին, որովհետեւ իջեր էին որ անոնց խաշինքը յափշտակեն։

Անոնց հայրը՝ Եփրեմ շատ օրեր սգաց, եւ անոր եղբայրները զինք մխիթարելու գացին։

Ան իր կնոջ մտաւ, ու ան յղանալով որդի մը ծնաւ եւ անոր անունը ⁴Բարիա կոչեց, որովհետեւ իր տան վրայ չարիք եկած էր։

Անոր աղջիկն էր Սէէրա, որ Ստորին ու Վերին Բեթորոնը կառուցանեց, նաեւ Ոզան-Սէէրան։

Անոր որդին էր Հռափէ. Հռասէփ, եւ անոր որդին՝ Թաղէ, անոր որդին՝ Թահան,

անոր որդին՝ Ղաադան, անոր որդին՝ Ամիուդ, անոր որդին՝ Եղիսամա,

անոր որդին՝ Նաւէ, ու անոր որդին՝ Յեսու։

Անոնց կալուածներն ու բնակութիւնները հետեւեալներն էին.— Բեթէլ եւ անոր գիւղերը, արեւելեան կողմէն՝ Նաարան, արեւմտեան կողմէն՝ Գազեր եւ անոր գիւղերը, Սիւքէմ եւ անոր գիւղերը, մինչեւ Գազա եւ անոր գիւղերը։

Մանասէի որդիներուն ⁵սահմաններուն քով՝ Բեթսան ու անոր գիւղերը, Թանաք ու անոր գիւղերը, Մակեդդով ու անոր գիւղերը, Դովր ու անոր գիւղերը։ Իսրայէլի որդիին՝ Յովսէփի որդիները ասոնց մէջ կը բնակէին։

ԱՍԵՐԻ ԶԱՐՄԸ

Ասերի որդիներն էին՝ Յեմնա, Յեսուա, Յեսուի ու Բարիա, եւ անոնց քոյրը՝ Սարա։

Բարիայի որդիներն էին՝ Քաբեր ու Մեղքիէլ, որ Բարսայիթի հայրն էր։

Քաբեր ծնաւ Յափաղէթը, Սովմերն ու Քովթամը, եւ անոնց քոյրը՝ Սովղան։

Յափաղէթի որդիներն էին՝ Փասաք, Բամայէլ ու Ասուաթ. ասո՛նք էին Յափաղէթի որդիները։

Սովմերի որդիներն էին՝ Աքի, Հռաոգա, Ոբա եւ Արամ։

Անոր եղբօր՝ Հելեմի որդիներն էին՝ Սովփա, Յամանա, Սելէս ու Ամաղ։

Սովփայի որդիները.— Սուա, Առնափար, Սուաղ, Բարի, Յեմրա, Բասար,

Ովդ, Սամմա, Սաղիսա, Յեթրան ու Բէերա։

Յեթերի որդիները.— Յեփոնէ, Փասփա եւ Արա։

Ովղայի որդիները.— Արահ, Անիէլ ու Հռասիա։

Ասոնք բոլորը Ասերի որդիներն էին՝ նահապետութեան գլխաւորներ, ընտիր ու զօրաւոր կտրիճներ, եւ գլխաւոր իշխաններ։ Անոնց ազգահամարին մէջ պատերազմական զօրքերուն թիւը քսանվեց հազար մարդ էր։