1 Chronicles 20
2 Kings « 1 Chronicles 19 ‹ 1 Chronicles 20 › 1 Chronicles 21 » 2 Chronicles
ԴԱՒԻԹ ԿԸ ԳՐԱՒԷ ՌԱԲԲԱՆ (Բ. Թագ. 12. 26-31)
11Հետեւեալ տարին, թագաւորներուն 2պատերազմելու ատենը, Յովաբ զօրքերուն բոլոր 3գունդերը տարաւ եւ Ամմոնի որդիներուն երկիրը կործանեց։ Նաեւ գնաց Ռաբբան պաշարեց, բայց Դաւիթ Երուսաղէմ կը մնար. Յովաբ Ռաբբան զարկաւ ու զայն փլցուց։
2Դաւիթ անոնց թագաւորին թագը անոր գլուխին վրայէն առաւ, ու գտաւ թէ տաղանդ մը ոսկիի կշիռ ունէր. անոր վրայ պատուական քարեր ալ կային, եւ թագը Դաւիթի գլուխը դրուեցաւ։ Դաւիթ քաղաքէն յոյժ շատ աւար 4բերաւ,
3իսկ անոր մէջ եղած ժողովուրդը դուրս հանելով՝ զանոնք 5սղոցներով, երկաթէ ցաքաններով եւ կացիններով կտրեց՝՝։ Դաւիթ Ամմոնի որդիներուն բոլոր քաղաքներուն այսպէս ըրաւ։ Ապա Դաւիթ ամբողջ ժողովուրդով Երուսաղէմ վերադարձաւ։
ՓՂՇՏԱՑԻ ՀՍԿԱՆԵՐՈՒ ԴԷՄ ՊԱՏԵՐԱԶՄ (Բ. Թագ. 21. 15-22)
4Ատկէ ետք Գազերի մէջ Փղշտացիներուն դէմ պատերազմ 6ծագեցաւ։ Այն ատեն Ովսացի Սովբաք 7Ռափայի որդիներէն եղող Սեփիան մեռցուց, եւ անոնք ընկճուեցան։
5Դարձեալ Փղշտացիներուն դէմ պատերազմ եղաւ, ու Յայիրի որդին՝ Ելէանան Գեթացի Գողիաթի եղբայրը՝ Ղէեմին զարկաւ, որուն նիզակին բունը ոստայնանկներու գլանին պէս էր։
6Դարձեալ պատերազմ եղաւ՝ Գէթի մէջ։ Երկայնահասակ մարդ մը կար, որուն մատները վեց-վեց ըլլալով՝ քսանչորս մատ ունէր. ա՛ն ալ Ռափայի զաւակներէն էր։
7Ան Իսրայէլի մարտահրաւէր ուղղեց. բայց Դաւիթի եղբօր՝ Սամաայի որդին՝ Յովնաթան զայն զարկաւ։
8Ասոնք Գէթի մէջ Ռափայէն ծնած էին, ու Դաւիթի ձեռքով եւ անոր ծառաներուն ձեռքով ինկան։