1 Chronicles 25

2 Kings  «  1 Chronicles 24  ‹  1 Chronicles 25  ›  1 Chronicles 26  »  2 Chronicles

ՏԱՃԱՐԻՆ ԵՐԱԺԻՇՏՆԵՐԸ

Դաւիթ ու սպարապետները պաշտամունքին համար զատեցին Ասափի, Եմանի եւ Իդիթունի որդիներէն անոնք՝ որ մարգարէանալու էին քնարներով, տաւիղներով ու ծնծղաներով։ Այս ¹ծառայութեան մարդոց թիւը՝ իրենց պաշտօնին համեմատ՝ հետեւեալն էր.—

Ասափի որդիներէն՝ Զաքուր, Յովսէփ, Նաթանիա եւ Ասարելա. Ասափի որդիները Ասափի ձեռքին տակ էին, եւ ան թագաւորին ²ղեկավարութեամբ կը մարգարէանար։

Իդիթունէն՝ Իդիթունի որդիները.— Գոդողիա, Եզրի, Եսայի, Սեմէի, Ասաբիա ու Մատաթիա. այս վեցը իրենց հօր՝ Իդիթունի ձեռքին տակ էին, որ քնարով կը մարգարէանար՝ Տէրոջմէն շնորհակալ ըլլալով եւ զայն գովաբանելով։

Եմանէն՝ Եմանի որդիները.— Բոկքիա, Մաթանիա, ³Ոզիէլ, Սուբայէլ, Յերիմովթ, Անանիա, Անանի, Եղիաթա, Գեթողաթի, Ռոմամթիեզեր, Յեսբակասա, Մեղեթի, Յոդիր ու Մազիովթ։

Ասոնք բոլորը Եմանի որդիներն էին. ան թագաւորին տեսանողն էր՝ Աստուծոյ խօսքերը հաղորդելու եւ ⁴եղջիւրը բարձրացնելու՝՝ համար. Աստուած Եմանի տասնչորս որդի ու երեք աղջիկ տուեր էր։

Ասոնք բոլորը իրենց հօր ձեռքին տակ էին՝ Տէրոջ տան մէջ երգելու համար ծնծղաներով, տաւիղներով եւ քնարներով. Ասափ, Իդիթուն ու Եման Աստուծոյ տան ծառայութիւնը կը կատարէին թագաւորին ղեկավարութեամբ։

Անոնց թիւը երկու հարիւր ութսունութ էր՝ Տէրոջ երգերը սորված իրենց եղբայրներուն հետ, այսինքն՝ բոլոր ⁵վարպետներուն թիւը։

Իրենց պաշտօնին համար պզտիկն ու մեծը, վարպետը աշակերտին հետ վիճակ ձգեցին։

Առաջին վիճակը Ասափի որդիին՝ Յովսէփի ելաւ։ Երկրորդը՝ Գոդողիայի. ինք, իր եղբայրներն ու որդիները՝ տասներկու հոգի էին։

Երրորդը՝ Զաքուրի. ինք, իր որդիներն ու եղբայրները՝ տասներկու հոգի էին։

Չորրորդը՝ Եզրիի. ինք, իր որդիներն ու եղբայրները՝ տասներկու հոգի էին։

Հինգերորդը՝ Նաթանիայի. ինք, իր որդիներն ու եղբայրները՝ տասներկու հոգի էին։

Վեցերորդը՝ Բոկքիայի. ինք, իր որդիներն ու եղբայրները՝ տասներկու հոգի էին։

Եօթներորդը՝ Յեսարելայի. ինք, իր որդիներն ու եղբայրները՝ տասներկու հոգի էին։

Ութերորդը՝ Եսայիի. ինք, իր որդիներն ու եղբայրները՝ տասներկու հոգի էին։

Իններորդը՝ Մաթանիայ. ինք, իր որդիներն ու եղբայրները՝ տասներկու հոգի էին։

Տասներորդը՝ Սեմէիի. ինք, իր որդիներն ու եղբայրները՝ տասներկու հոգի էին։

Տասնմէկերորդը՝ Ազարիէլ. ինք, իր որդիներն ու եղբայրները՝ տասներկու հոգի էին։

Տասներկրորդը՝ Ասաբիայի. ինք, իր որդիներն ու եղբայրները՝ տասներկու հոգի էին։

Տասներեքերորդը՝ Սուբայէլի. ինք, իր որդիներն ու եղբայրները՝ տասներկու հոգի էին։

Տասնչորրորդը՝ Մատաթիայի. ինք, իր որդիներն ու եղբայրները՝ տասներկու հոգի էին։

Տասնհինգերորդը՝ Յերիմովթի. ինք, իր որդիներն ու եղբայրները՝ տասներկու հոգի էին։

Տասնվեցերորդը՝ Անանիայի. ինք, իր որդիներն ու եղբայրները՝ տասներկու հոգի էին։

Տասնեօթներորդը՝ Յեսբակասայի. ինք, իր որդիներն ու եղբայրները՝ տասներկու հոգի էին։

Տասնութերորդը՝ Անանիի. ինք, իր որդիներն ու եղբայրները՝ տասներկու հոգի էին։

Տասնիններորդը՝ Մեղեթիի. ինք, իր որդիներն ու եղբայրները՝ տասներկու հոգի էին։

Քսաներորդը՝ Եղիաթայի. ինք, իր որդիներն ու եղբայրները՝ տասներկու հոգի էին։

Քսանմէկերորդը՝ Յոթիրի. ինք, իր որդիներն ու եղբայրները՝ տասներկու հոգի էին։

Քսաներկրորդը՝ Գեթողաթիի. ինք, իր որդիներն ու եղբայրները՝ տասներկու հոգի էին։

Քսաներեքերորդը՝ Մազիովթի. ինք, իր որդիներն ու եղբայրները՝ տասներկու հոգի էին։

Քսանչորրորդը՝ Ռոմամթիեզերի. ինք, իր որդիներն ու եղբայրները՝ տասներկու հոգի էին։