2 Chronicles 27
1 Chronicles « 2 Chronicles 26 ‹ 2 Chronicles 27 › 2 Chronicles 28 » Ezra
ՅՈՒԴԱՅԻ ՅՈՎԱԹԱՄ ԹԱԳԱՒՈՐԸ (Դ. Թագ. 15. 32-38)
1Յովաթամ քսանհինգ տարեկան էր՝ երբ թագաւոր եղաւ, ու Երուսաղէմի մէջ տասնվեց տարի թագաւորեց։ Իր մայրը Սադովկի աղջիկն էր՝ Յերուսա անունով։
2Ան ըրաւ ինչ որ Տէրոջ առջեւ 1ուղիղ է, իր հօր՝ Ոզիայի բոլոր ըրածներուն պէս. բայց Տէրոջ տաճարը չմտաւ. իսկ ժողովուրդը տակաւին ապականած էր։
3Ի՛նք կառուցանեց Տէրոջ տան 2բարձրագոյն դուռը. Ոփաղի պարիսպին վրայ ալ շատ բաներ կառուցանեց։
4Յուդայի լեռնակողմը քաղաքներ կառուցանեց. նաեւ բերդեր եւ աշտարակներ կառուցանեց՝ անտառներուն մէջ։
5Ամմոնի որդիներուն թագաւորին դէմ պատերազմեցաւ, եւ անոնց յաղթեց. նոյն տարին Ամմոնի որդիները հարիւր տաղանդ արծաթ, տասը հազար քոռ ցորեն ու տասը հազար քոռ գարի տուին անոր։ Ամմոնի որդիները նոյնչափ բերին երկրորդ եւ երրորդ տարին։
6Յովաթամ ուժովցաւ, որովհետեւ իր ճամբաները հաստատեց Տէրոջ՝ իր Աստուծոյն առջեւ։
7Յովաթամի մնացեալ արարքները, անոր բոլոր պատերազմներն ու 3ընթացքը՝ ահա՛ Իսրայէլի եւ Յուդայի Թագաւորներու գիրքին մէջ գրուած են։
8Ան քսանհինգ տարեկան էր՝ երբ թագաւոր եղաւ, ու Երուսաղէմի մէջ տասնվեց տարի թագաւորեց։
9Յովաթամ իր հայրերուն հետ քնացաւ, եւ զայն Դաւիթի քաղաքին մէջ թաղեցին։ Անոր տեղ իր որդին՝ Աքազ թագաւոր եղաւ։