2 Chronicles 36
1 Chronicles « 2 Chronicles 35 ‹ 2 Chronicles 36 › Ezra 1 » Ezra
ՅՈՒԴԱՅԻ ՅՈՎԱՔԱԶ ԹԱԳԱՒՈՐԸ (Դ. Թագ. 23. 30-35)
1Երկրին ժողովուրդը Յովսիայի որդին՝ Յովաքազը առաւ, ու զայն Երուսաղէմի մէջ թագաւոր հռչակեց՝ իր հօր տեղ։
2Յովաքազ քսաներեք տարեկան էր՝ երբ թագաւոր եղաւ, եւ Երուսաղէմի մէջ երեք ամիս թագաւորեց։
3Եգիպտոսի թագաւորը զայն Երուսաղէմի մէջ գահէն 1վար առաւ՝՝, ու երկրին վրայ տուգանք դրաւ՝ հարիւր տաղանդ արծաթ եւ մէկ տաղանդ ոսկի։
4Եգիպտոսի թագաւորը անոր եղբայրը՝ Եղիակիմը Յուդայի ու Երուսաղէմի վրայ թագաւոր նշանակեց, եւ անոր անունը Յովակիմի փոխեց. իսկ Նեքաւով անոր եղբայրը՝ Յովաքազը բռնեց ու Եգիպտոս տարաւ։
ՅՈՒԴԱՅԻ ՅՈՎԱԿԻՄ ԹԱԳԱՒՈՐԸ (Դ. Թագ. 23. 36-24. 7)
5Յովակիմ քսանհինգ տարեկան էր՝ երբ թագաւոր եղաւ, եւ Երուսաղէմի մէջ տասնմէկ տարի թագաւորեց։ Ան Տէրոջ՝ իր Աստուծոյն 2առջեւ չարիք գործեց։
6Բաբելոնի Նաբուգոդոնոսոր թագաւորը անոր դէմ 3արշաւեց, ու զայն Բաբելոն տանելու համար պղինձէ շղթաներով կապեց։
7Նաբուգոդոնոսոր Տէրոջ տան անօթներէն Բաբելոն տարաւ եւ զանոնք Բաբելոն՝ իր մեհեանին մէջ դրաւ։
8Յովակիմի մնացեալ արարքները, անոր գործած գարշութիւններն ու անոր պատահածը ահա՛ Իսրայէլի եւ Յուդայի Թագաւորներուն գիրքին մէջ գրուած են։ Անոր տեղ իր որդին՝ Յովաքին թագաւոր եղաւ։
ՅՈՒԴԱՅԻ ՅՈՎԱՔԻՆ ԹԱԳԱՒՈՐԸ (Դ. Թագ. 24. 8-17)
9Յովաքին տասնութ տարեկան էր՝ երբ թագաւոր եղաւ, ու Երուսաղէմի մէջ երեք ամիս եւ տասը օր թագաւորեց։ Ան Տէրոջ 4առջեւ չարիք գործեց։
10Հետեւեալ տարին՝ Նաբուգոդոնոսոր թագաւորը զօրք ղրկեց, զայն Բաբելոն բերել տուաւ՝ Տէրոջ 5տաճարին ցանկալի իրերուն հետ, եւ Յուդայի ու Երուսաղէմի վրայ անոր հօր եղբայրը՝ Սեդեկիան թագաւոր նշանակեց։
ՅՈՒԴԱՅԻ ՍԵԴԵԿԻԱ ԹԱԳԱՒՈՐԸ (Դ. Թագ. 24. 18-20։ Երեմ. 52. 1-3ա)
11Սեդեկիա քսանմէկ տարեկան էր՝ երբ թագաւոր եղաւ, ու Երուսաղէմի մէջ տասնմէկ տարի թագաւորեց։
12Ան Տէրոջ՝ իր Աստուծոյն 6առջեւ չարիք գործեց, ու Տէրոջ բերանէն խօսող Երեմիա մարգարէին առջեւ չխոնարհեցաւ։
ԵՐՈՒՍԱՂԷՄԻ ԱՆԿՈՒՄԸ (Դ. Թագ. 25. 1-21։ Երեմ. 52. 3բ-11)
13Նաեւ ըմբոստացաւ Նաբուգոդոնոսոր թագաւորին դէմ, որ անոր երդում ընել տուեր էր Աստուծոյ անունով։ Իր պարանոցը խստացուց եւ իր սիրտը կարծրացուց, որպէսզի Տէրոջ՝ Իսրայէլի Աստուծոյն չվերադառնայ։
14Քահանաներուն բոլոր պետերն ու ժողովուրդն ալ յոյժ շատ ուխտազանց եղան՝ 7հեթանոսներուն բոլոր գարշութիւններուն համաձայն, եւ Տէրոջ Երուսաղէմի մէջ սրբացուցած տունը պղծեցին։
15Տէրը՝ անոնց հայրերուն Աստուածը՝ իր պատգամաւորներուն 8միջոցով՝ 9կանուխէն ազդարարութիւններ՝՝ կը ղրկէր անոնց, որովհետեւ իր ժողովուրդին եւ իր բնակարանին կը խնայէր։
16Բայց անոնք Աստուծոյ ղրկած պատգամաւորները կ’այպանէին, անոր խօսքերը կ’արհամարհէին ու անոր մարգարէները կը քամահրէին, մինչեւ որ Տէրոջ ցասումը իր ժողովուրդին դէմ 10բորբոքեցաւ, այնպէս որ ա՛լ դարման չմնաց։
17Անոնց դէմ Քաղդէացիներուն թագաւորը 11արշաւել տուաւ՝՝. ան ալ անոնց երիտասարդները իրենց 12սրբարանին մէջ սուրով մեռցուց, ու երիտասարդին, կոյսին, ծերին եւ տարեցին չխնայեց. Տէրը բոլորն ալ անոր ձեռքը մատնեց։
18Աստուծոյ տան բոլոր մեծ ու պզտիկ առարկաները, Տէրոջ տան գանձերն ու թագաւորին եւ անոր իշխանաւորներուն գանձերը՝ բոլորն ալ Բաբելոն տարաւ։
19Աստուծոյ տունը այրեցին, Երուսաղէմի պարիսպը փլցուցին, անոր բոլոր պալատները կրակով այրեցին, ու բոլոր ցանկալի իրերը փճացուցին։
20Սուրէն ազատած մնացորդները Բաբելոն տարագրեցին. հոն մինչեւ Պարսկաստանի թագաւորութեան 13տիրապետելը, անոր եւ անոր որդիներուն հպատակ եղան,
21որպէսզի Երեմիայի բերանով ըսուած Տէրոջ խօսքը 14իրագործուի, մինչեւ որ երկիրը իր Շաբաթները վայելէ։ Որքան ժամանակ որ ամայացած էր՝ հանգստացաւ, մինչեւ եօթանասուն տարին լրացաւ։
ԿԻՒՐՈՍ Կ’ԱՐՏՕՆԷ ՀՐԵԱՆԵՐՈՒՆ ՎԵՐԱԴԱՐՁԸ (Եզր. 1. 1-4)
22Պարսկաստանի Կիւրոս թագաւորին առաջին տարին, որպէսզի Երեմիայի բերանով ըսուած Տէրոջ խօսքը 15իրագործուի, Տէրը Պարսկաստանի Կիւրոս թագաւորին հոգին արթնցուց, եւ ան իր ամբողջ թագաւորութեան մէջ 16ծանուցանել տուաւ ու նաեւ հրովարտակ գրեց՝ ըսելով.
23«Սա՛ կը յայտարարէ Կիւրոս՝ Պարսկաստանի թագաւորը. “Երկինքի Աստուածը՝ Եհովան երկրի բոլոր թագաւորութիւնները ինծի տուաւ, եւ ի՛նք ինծի հրահանգեց որ Յուդայի Երուսաղէմին մէջ իրեն տուն մը կառուցանեմ։ Ձեզմէ ո՛վ որ անոր ամբողջ ժողովուրդէն է, իր Աստուածը՝ Եհովան իրեն հետ թող ըլլայ, ու թող բարձրանայ”»։