Ezra 2

2 Chronicles  «  Ezra 1  ‹  Ezra 2  ›  Ezra 3  »  Nehemiah

ՏԱՐԱԳՐՈՒԹԵՆԷՆ ՎԵՐԱԴԱՐՁՈՂՆԵՐՈՒՆ ՑԱՆԿԸ (Նէեմ. 7. 4 -7 3 )

Ահա՛ւասիկ գաւառին ¹բնակիչները՝ որոնք գերութենէն ²վերադարձան, այսինքն՝ տարագիրներուն որդիները — Բաբելոնի Նաբուգոդոնոսոր թագաւորը զանոնք Բաբելոն տարագրած էր — որոնք Երուսաղէմ ու Հրէաստան վերադարձան, իւրաքանչիւրը՝ իր քաղաքը։

Անոնք Զօրաբաբէլի, Յեսուի, Նէեմիայի, Սարայիայի, Հռէեղիայի, Մուրթքէի, Բաղասանի, Մասփարի, Բագուէի, Հռէումի ու Բաանայի հետ եկան։ Ահա՛ւասիկ Իսրայէլի ժողովուրդին մարդոց թիւը.—

Փարոսի որդիները՝ երկու հազար հարիւր եօթանասուներկու հոգի էին,

Սափատիայի որդիները՝ երեք հարիւր եօթանասուներկու,

Արահի որդիները՝ եօթը հարիւր եօթանասունհինգ,

Փահաթ-Մովաբի որդիները՝ Յեսուի ու Յովաբի որդիներէն՝ երկու հազար ութ հարիւր տասներկու,

Եղամի որդիները՝ հազար երկու հարիւր յիսունչորս,

Զաթուի որդիները՝ ինը հարիւր քառասունհինգ,

Զաքքայի որդիները՝ եօթը հարիւր վաթսուն,

Բանիի որդիները՝ վեց հարիւր քառասուներկու,

Բեբայիի որդիները՝ վեց հարիւր քսաներեք,

Ազգադի որդիները՝ հազար երկու հարիւր քսաներկու,

Ադոնիկամի որդիները՝ վեց հարիւր վաթսունվեց,

Բագուէի որդիները՝ երկու հազար յիսունվեց,

Ադինի որդիները՝ չորս հարիւր յիսունչորս,

Ատերի որդիները՝ Եզեկիայէն՝ իննսունութ,

Բեսէիի որդիները՝ երեք հարիւր քսաներեք,

Յորայի որդիները՝ հարիւր տասներկու,

Հասումի որդիները՝ երկու հարիւր քսաներեք,

Գաբերի որդիները՝ իննսունհինգ,

Բեթլեհէմի որդիները՝ հարիւր քսաներեք,

Նետոփայի մարդիկը՝ յիսունվեց,

Անաթովթի մարդիկը՝ հարիւր քսանութ,

Ազամօթի որդիները՝ քառասուներկու,

Կարիաթարիմի, Կեփիրայի ու Բերովթի որդիները՝ եօթը հարիւր քառասուներեք,

Ռամայի ու Գաբայի որդիները՝ վեց հարիւր քսանմէկ,

Մաքմասի մարդիկը՝ հարիւր քսաներկու,

Բեթէլի ու Գայիի մարդիկը՝ երկու հարիւր քսաներեք,

Նաբաւի որդիները՝ յիսուներկու,

Մակեբիսի որդիները՝ հարիւր յիսունվեց,

միւս Եղամի որդիները՝ հազար երկու հարիւր յիսունչորս,

Հարիմի որդիները՝ երեք հարիւր քսան,

Ղովդի, Ադիդի եւ Ովնովի որդիները՝ եօթը հարիւր քսանհինգ,

Երիքովի որդիները՝ երեք հարիւր քառասունհինգ,

Սենաայի որդիները՝ երեք հազար վեց հարիւր երեսուն։

Քահանաները.— Յեսուի տունէն՝ Յեդայիայի որդիները՝ ինը հարիւր եօթանասուներեք հոգի էին,

Եմմերի որդիները՝ հազար յիսուներկու,

Փասուրի որդիները՝ հազար երկու հարիւր քառասունեօթը,

Հարիմի որդիները՝ հազար տասնեօթը։

Ղեւտացիները.— Ովդուիայի որդիներէն՝ Յեսուի եւ Կադմիէլի որդիները եօթանասունչորս հոգի էին։

Երգողները.— Ասափի որդիները հարիւր քսանութ հոգի էին։

Դռնապաններուն որդիները.— Սեղղումի որդիները, Ատերի որդիները, Տեղմոնի որդիները, Ակկուբի որդիները, Ատիտայի որդիները, Սուբայի որդիները՝ բոլորը հարիւր երեսունինը հոգի էին։

³Նաթանայիմները.— Սիայի որդիները, Ասուփայի որդիները, Տաբաւոթի որդիները,

Կերոսի որդիները, Սիայի որդիները, Փադոնի որդիները,

Ղաբանայի որդիները, Ագաբայի որդիները, Ակկուբի որդիները,

Ագաբի որդիները, Սաղամէի որդիները, Անանի որդիները,

Գեդդէլի որդիները, Գահարի որդիները, Ռէայիայի որդիները,

Ռասինի որդիները, Նեկոդայի որդիները, Գազամի որդիները,

Ոզայի որդիները, Փասէի որդիները, Բասիի որդիները,

Ասենայի որդիները, Մովանիմի որդիները, Նեփուսիմի որդիները,

Բակբոկի որդիները, Ակուփայի որդիները, Արուրի որդիները,

Բասաղոթի որդիները, Մէիդայի որդիները, Արսայի որդիները,

Բարկոսի որդիները, Սիսարայի որդիները, Թամայի որդիները,

Նեսիայի որդիները, Ատեփայի որդիները.

Սողոմոնի ծառաներուն որդիները, Սոտէի որդիները, Սոփերաթի որդիները,

Փարեդայի որդիները, Յեղայի որդիները, Դերկոնի որդիները,

Գեդդէլի որդիները, Սափատիայի որդիները, Ատտիլի որդիները, Փաքարաթ-Ասեբայիմի որդիները, Ամիի որդիները.

բոլոր Նաթանայիմներն ու Սողոմոնի ծառաներուն որդիները երեք հարիւր իննսուներկու հոգի էին։

Ահա՛ւասիկ Թեղմեղայէ, Թեղարսայէ, Քերուբէ, Ադդանէ ու Եմմերէ ⁴վերադարձողները, որոնք իրենց ⁵նահապետութիւնը եւ իրենց զարմը չկրցան ապացուցանել, այսինքն՝ Իսրայէլէն ըլլալը.—

Դաղայիայի որդիները, Տուբիայի որդիներն ու Նեկոդայի որդիները՝ վեց հարիւր յիսուներկու հոգի.

նաեւ քահանաներուն որդիներէն՝ Աբայիայի որդիները, Ակկուսի որդիները, Բերզելիի որդիները, որ Գաղաադացի Բերզելիի աղջիկներէն կին առնելով՝ անոնց անունով կոչուեցաւ։

Ասոնք իրենց ազգահամարի արձանագրութիւնը փնտռեցին, բայց չգտնուեցաւ. ուստի քահանայութենէ արգիլուեցան՝ իբր ⁶անմաքուր,

եւ ⁷Կառավարիչը անոնց ըսաւ. «Մինչեւ որ Ուրիմով ու Թումիմով քահանայ մը չելլէ, անոնք ամենասուրբ բաներէն թող չուտեն»։

Համախմբումը քառասուներկու հազար երեք հարիւր վաթսուն հոգի էր՝ բոլորը միասին,

բացի անոնց ծառաներէն եւ աղախիններէն, որոնք եօթը հազար երեք հարիւր երեսունեօթը հոգի էին. անոնց մէջ երկու հարիւր երգիչներ ու երգչուհիներ ալ կային։

Անոնց ձիերը՝ եօթը հարիւր երեսունվեց, ջորիները՝ երկու հարիւր քառասունհինգ,

ուղտերը՝ չորս հարիւր երեսունհինգ, եւ էշերը՝ վեց հազար եօթը հարիւր քսան հատ էին։

Նահապետներէն ոմանք, երբ Երուսաղէմ եղող Տէրոջ տունը հասան, Աստուծոյ տան յօժարակամ ընծաներ տուին, որպէսզի զայն իր վայրին վրայ ⁸վերականգնեն։

Անոնք՝ իրենց կարողութեան համեմատ՝ վաթսունմէկ հազար դրամ ոսկի, հինգ հազար մնաս արծաթ, ու հարիւր քահանայական պատմուճան տուին գործին գանձին։

Քահանաները, Ղեւտացիները, ժողովուրդէն եղողները, երգողները, դռնապաններն ու Նաթանայիմները իրենց քաղաքները բնակեցան. ամբողջ Իսրայէլը իր քաղաքներուն մէջ հաստատուեցաւ։