Job 3
Esther « Job 2 ‹ Job 3 › Job 4 » Psalm
ՅՈԲԻ ՏՐՏՈՒՆՋԸ ԱՍՏՈՒԾՈՅ
1Անկէ ետք Յոբ իր բերանը բացաւ եւ իր օրը անիծեց։
2Յոբ 1խօսեցաւ ու ըսաւ.
3«Կորսուի՛ այն օրը՝ երբ ես ծնայ, Եւ այն գիշերը՝ որուն մէջ ըսին. “2Արու զաւակ՝՝ մը 3ծնաւ”։
4Այդ օրը խաւար ըլլայ. Աստուած չփնտռէ զայն վերէն, Ու երբեք լոյս չփայլի անոր վրայ։
5Խաւարն ու մահուան շուքը 4սեփականացնեն զայն, Ամպը ծածկէ զայն. Օրուան մթութիւնը վախցնէ զայն։
6Այդ գիշերը մութը պաշարէ. Անիկա տարուան օրերուն 5չմիանայ, Եւ ամիսներուն մէջ 6չհամրուի։
7Ահա՛ այդ գիշերը թող անպտուղ մնայ, Ու անոր մէջ ցնծութեան ձայն չմտնէ։
8Օրը անիծողները թող անիծեն զայն, Որոնք պատրաստ են 7վիշապը արթնցնելու։
9Անոր այգաբացին աստղերը թող աղօտանան. Լոյսին թող սպասէ ու չունենայ, Արշալոյսին 8ճառագայթները չտեսնէ.
10Որովհետեւ իմ մօրս 9արգանդին դռները չգոցեց, Եւ տաժանքը աչքերէս չծածկեց։
11Ինչո՞ւ մօրս արգանդին մէջ շունչս չտուի, Ու չկորսուեցայ՝ երբ որովայնէն ելայ։
12Ինչո՞ւ ծունկերը 10ընդունեցին զիս՝՝, Եւ ինչո՞ւ ծիծ տուին ինծի՝ որ ես ծծեմ։
13Արդարեւ հիմա պառկած 11կը հանգչէի՝՝ ու կը քնանայի. Այդ ժամանակ հանգստացած կ’ըլլայի՝
14Իրենց համար աւերակները 12վերակառուցանող Երկրի թագաւորներուն ու խորհրդականներուն հետ,
15Կամ ոսկի ունեցող իշխանաւորներուն հետ, Որոնք իրենց տունը արծաթով կը լեցնեն.
16Կամ թէ 13պահուած վիժածի մը պէս 14կ’ոչնչանայի, Այն երախաներուն պէս՝ որոնք երբեք լոյս չտեսան։
17Հոն ամբարիշտները մարդ վրդովելէն կը դադրին Ու հոն ոյժէ ինկածները կը հանգստանան։
18Նմանապէս բանտարկեալները հոն կը հանգչին, Եւ ա՛լ չեն լսեր ճնշողին ձայնը։
19Պզտիկն ու մեծը հոն են, Ստրուկն ալ իր տիրոջմէն ազատ արձակուած է։
20Ինչո՞ւ թշուառութեան մէջ եղողին՝ լոյս, Ու դառնահոգիներուն՝ կեանք տրուի.
21Անոնք մահուան կը սպասեն՝ բայց ան չի գար, Եւ պահուած գանձերէն աւելի կը փնտռեն զայն.
22Երբ գերեզմանը գտնեն՝ Չափազանց կ’ուրախանան ու կը բերկրին։
23Ինչո՞ւ կեանք կը տրուի այնպիսի 15մարդու մը՝ որուն ճամբան ծածկուած է, Եւ Աստուած 16արգելափակած է զայն ամէն կողմէ.
24Որովհետեւ կերակուր ուտելէս առաջ իմ հառաչանքս կու գայ, Ու 17աղաղակներս ջուրերու պէս կը հոսին։
25Արդարեւ ի՛նչ բանէ որ շատ կը վախնայի՝ ա՛ն ինծի հանդիպեցաւ, Եւ ի՛նչ բանէ որ երկիւղ ունէի՝ ա՛ն ինծի հասաւ։
26Ո՛չ խաղաղութիւն ունիմ, ո՛չ հանգստութիւն, Ո՛չ ալ հանդարտութիւն. հապա վրդովումը եկած է իմ վրաս»։