Job 16

Esther  «  Job 15  ‹  Job 16  ›  Job 17  »  Psalm

Յոբ պատասխանեց.

«Ես ասոնց պէս շատ բաներ լսած եմ. Բոլորդ ալ ¹ձանձրացնող մխիթարիչներ էք։

Ձեր ²դատարկ խօսքերը վախճան ունի՞ն. Կամ ի՞նչ բանէ պարտաւորուած կը պատասխանես։

Ե՛ս ալ ձեզի պէս կրնայի խօսիլ. Եթէ ձեր անձը իմ անձիս տեղը ըլլար, Կրնայի ձեզի դէմ խօսքեր դիզել Ու ձեզի դէմ գլուխս շարժել.

Սակայն իմ բերանովս ձեզ պիտի զօրացնէի, Ու շրթունքիս ³մխիթարութիւնը ձեր կոտտանքը պիտի մեղմացնէր։

Եթէ խօսիմ՝ կոտտանքս չի մեղմանար, Իսկ եթէ ⁴լռեմ, միթէ ինձմէ պիտի ⁵հեռանա՞յ։

Բայց հիմա Աստուած զիս հիւծեց. Ամբողջ ⁶տունս ամայացուց՝՝,

Նաեւ զիս ⁷խորշոմներով ծածկեց՝՝, եւ ասիկա ինծի դէմ վկայութիւն մըն է. Նիհարութիւնս ինծի դէմ կանգնելով՝ ⁸զիս կ’ամբաստանէ՝՝։

Անոր բարկութիւնը զիս կը բզքտէ ու զիս կ’ատէ. Իր ակռաները ինծի դէմ կը կրճտէ. Հակառակորդս իր աչքերը ինծի դէմ կը սրէ։

Իրենց բերանը ինծի դէմ կը բանան, Ու զիս նախատելու համար՝ այտերուս ապտակ կը զարնեն. Միասին ինծի դէմ կը ⁹համախմբուին։

Աստուած զիս ամբարիշտին յանձնեց, Եւ անօրէններուն ձեռքը ձգեց։

Անդորր էի, ու զիս պատռեց. Ծոծրակէս բռնելով՝ զիս ջախջախեց, Եւ զիս իրեն նշանակէտ ¹⁰ըրաւ։

Անոր աղեղնաւորները զիս շրջապատեցին. Երիկամունքս կը խոցէ, եւ ինծի չի խնայեր. Մաղձս գետինը կը թափէ։

¹¹Հարուածի վրայ հարուած՝՝ տալով զիս կը ¹²զարնէ, Իմ վրաս զօրաւոր մարդու մը պէս կը ¹³յարձակի։

Մորթիս վրայ քուրձ կարեցի, Ու եղջիւրս հողին մէջ թաւալեցի։

Երեսս լալէն ¹⁴ուռած է՝՝, Եւ կոպերուս վրայ մահուան շուքը կայ,

Թէպէտ ձեռքերուս մէջ բռնութիւն չկայ Ու աղօթքս մաքուր է։

Ո՛վ երկիր, իմ արիւնս մի՛ ծածկեր, Եւ աղաղակիս թող տեղ չըլլայ։

Նոյնիսկ հիմա՝ ահա՛ իմ վկաս երկինքի մէջ է, Փաստաբանս բարձր վայրն է։

Բարեկամներս զիս կը ծաղրեն. Աչքերս Աստուծոյ առջեւ արցունք կը ¹⁵թափեն։

Երանի՜ թէ ¹⁶մարդուն համար ¹⁷իրաւարար մը ըլլար Աստուծոյ քով, Ինչպէս ¹⁸մարդ իր ընկերին դատը կը պաշտպանէ։

Արդարեւ ¹⁹քիչ տարիներ ²⁰անցնելէն ետք՝ Ուղի մը պիտի երթամ, ուրկէ պիտի չվերադառնամ»։