Joshua 19

Deuteronomy  «  Joshua 18  ‹  Joshua 19  ›  Joshua 20  »  Judges

ՇՄԱՒՈՆԻ ՅԱՏԿԱՑՈՒԱԾ ԵՐԿԻՐԸ

Երկրորդ վիճակը Շմաւոնի ելաւ, Շմաւոնի որդիներուն տոհմին՝ իրենց գերդաստաններուն համեմատ. անոնց ժառանգութիւնը Յուդայի որդիներուն ժառանգութեան մէջ եղաւ։

Իրենց ժառանգութեան մէջ սա՛ քաղաքները ունեցան.— Բերսաբէ, (Սաբէ,) Մոլադա,

Ասերսուաղ, Բաղա, Ասէմ,

Էլթուղադ, Բաթուլ, Հորմա,

Սիկելակ, Բեթմարքաբովթ, Ասեր-Սուսա,

Բեթլաբաւովթ եւ Սարուհէն. տասներեք քաղաք, եւ անոնց աւանները։

Ային, Ռեմոն, Եթեր եւ Ասան. չորս քաղաք, եւ անոնց աւանները։

Նաեւ այս քաղաքներուն շուրջը եղող բոլոր աւանները՝ մինչեւ ¹Բահաղէթ- Բէեր ու հարաւային Ռաման՝՝։ Ա՛յս է Շմաւոնի որդիներուն տոհմին ժառանգութիւնը՝ իրենց գերդաստաններուն համեմատ։

Շմաւոնի որդիներուն ժառանգութիւնը՝ Յուդայի որդիներուն բաժինէն առնուեցաւ, քանի որ Յուդայի որդիներուն բաժինը շատ էր իրենց համար. ուստի Շմաւոնի որդիներուն ժառանգութիւնը անոնց ժառանգութեան մէջ եղաւ։

ԶԱԲՈՒՂՈՆԻ ՅԱՏԿԱՑՈՒԱԾ ԵՐԿԻՐԸ

Երրորդ վիճակը Զաբուղոնի որդիներուն ելաւ՝ իրենց գերդաստաններուն համեմատ։ Անոնց ժառագութեան սահմանը մինչեւ Սարիդ եղաւ.

անոնց սահմանը դէպի ծովը եւ Մարաղա կը բարձրանայ, Դաբասէթ կը հասնի, ապա Յեկնամի դիմաց եղող վտակը կը հասնի։

Սարիդէն դէպի արեւելք կը դառնայ՝ արեւելեան կողմը, Քասղովթ-Թաբորի սահմանը, ու Դաբարաթէն դուրս ելլելով՝ Յափիէ կը բարձրանայ.

անկէ դէպի արեւելք կ’անցնի՝ Գեթքոփերէն եւ Իթագասինէն, ու Ռեմոն-Մեթոարէն եւ Նուայէն դուրս կ’ելլէ.

Յետոյ այս սահմանը անոր շուրջը կը դառնայ հիւսիսային կողմէն՝ դէպի Ենաթոն, ու Յեփթայէլի ձորը կը յանգի։

Նաեւ Կատտաթ, Նահաղոլ, Սամրոն, Յադելա ու Բեթլեհէմ. տասներկու քաղաք, եւ անոնց աւանները։

Ա՛յս է Զաբուղոնի որդիներուն ժառանգութիւնը՝ իրենց գերդաստաններուն համեմատ, այս քաղաքներն ու անոնց աւանները։

ԻՍԱՔԱՐԻ ՅԱՏԿԱՑՈՒԱԾ ԵՐԿԻՐԸ

Չորրորդ վիճակը Իսաքարի ելաւ, Իսաքարի որդիներուն՝ իրենց գերդաստաններուն համեմատ։

Անոնց սահմանը ²կ’երթայ դէպի Յեզրայէլ, Քասելովթ, Սունամ,

Ափերէմ, Սիան, Անարէթ,

Ռաբբիթ, Կեսիոն, Աբէս,

Ռամաթ, Ենգանիմ, Ենքադդա ու Բեթփասէս։

Այս սահմանը Թաբոր, Սասիմա ու Բեթսամիւս կը հասնի, եւ անոնց սահմանը Յորդանան կը յանգի. տասնվեց քաղաք, եւ անոնց աւանները։

Ա՛յս է Իսաքարի որդիներուն տոհմին ժառանգութիւնը՝ իրենց գերդաստաններուն համեմատ, այս քաղաքներն ու անոնց աւանները։

ԱՍԵՐԻ ՅԱՏԿԱՑՈՒԱԾ ԵՐԿԻՐԸ

Հինգերրրդ վիճակը Ասերի որդիներուն տոհմին ելաւ՝ իրենց գերդաստաններուն համեմատ։

Անոնց սահմանը ³կ’երթայ դէպի՝՝ Քեղկաթ, Աղի, Բետէն, Աքսափ,

Ալամելէք, Ամադ, Մասաղ, եւ արեւմտեան կողմէն մինչեւ Կարմեղոս ու Սիոր-Լեբնաթ կը հասնի։

Արեւելեան կողմէն դէպի Բեթդագոն կը դառնայ, Բեթամէկի եւ Նէիէլի հիւսիսային կողմէն՝ Զաբուղոն ու Յեփթայէլի ձորը կը հասնի, եւ ձախ կողմէն՝ Քաբողէն դուրս կ’ելլէ.

ապա կ’երթայ դէպի Եբրոն, Րոհոբ, Համմոն ու Կանա, մինչեւ Մեծն Սիդոն։

Յետոյ այս սահմանը դէպի Ռամա կը դառնայ՝ մինչեւ Տիւրոս պարսպապատ քաղաքը. եւ այս սահմանը դէպի Ուսա դառնալով՝ Աքեզիբի նահանգին մէջէն կը յանգի ծովը,

Ամմա, Ափէկ ու Րոհոբ. քսաներկու քաղաք, եւ անոնց աւանները։

Ա՛յս է Ասերի որդիներուն տոհմին ժառանգութիւնը՝ իրենց գերդաստաններուն համեմատ, այս քաղաքներն ու անոնց աւանները։

ՆԵՓԹԱՂԻՄԻ ՅԱՏԿԱՑՈՒԱԾ ԵՐԿԻՐԸ

Վեցերորդ վիճակը Նեփթաղիմի որդիներուն ելաւ, Նեփթաղիմի որդիներուն՝ իրենց գերդաստաններուն համեմատ։

Անոնց սահմանը Հելէփէն եւ Ալոնէն ⁴կ’երթայ դէպի Սանանիմ, Ադամի-Նագէբ ու Յաբնէլ, մինչեւ Լակում, ու Յորդանան կը յանգի։

Այս սահմանը արեւմտեան կողմէն դէպի Ազանոթ-Թաբոր կը դառնայ, եւ անկէ դուրս կ’ելլէ դէպի Հուկոկ. հարաւային կողմէն մինչեւ Զաբուղոն կը հասնի, արեւմտեան կողմէն մինչեւ Ասեր կը հասնի, իսկ արեւելեան կողմէն՝ մինչեւ Յորդանանի Յուդան։

Պարսպապատ քաղաքներն են՝ Ասեդիմ, Սեր, Ամաթ, Ռեկկաթ,

Քեներէթ, Ադամա, Ռամա, Հասոր,

Կադէս, Եդրայի, Ենհասոր, Յարոն,

Մակդաղիէլ, Հարէմ, Բեթանաթ ու Բեթսամիւս. տասնինը քաղաք, եւ անոնց աւանները։

Ա՛յս է Նեփթաղիմի որդիներուն տոհմին ժառանգութիւնը՝ իրենց գերդաստաններուն համեմատ, այս քաղաքներն ու անոնց աւանները։

ԴԱՆԻ ՅԱՏԿԱՑՈՒԱԾ ԵՐԿԻՐԸ

Եօթներորդ վիճակը Դանի որդիներուն տոհմին ելաւ՝ իրենց գերդաստաններուն համեմատ։

Անոնց ժառանգութեան ⁵սահմանին մէջ են՝՝ Սարաա, Եսթաւուղ, Իրսամէս,

Սաղաբին, Այեղոն, Յեթլա,

Ելոն, Թամնաթա, Ակկարոն,

Ելթեկէ, Գաբաթոն, Բաալոթ,

Եհուդ, Բանէ-Բարակ, Գեթռեմոն,

Մէարկոն եւ Ռակկոն, Յոպպէի դիմաց եղող հողամասով։

Սակայն Դանի որդիներուն հողամասը իրենց պզտիկ ⁶եղաւ. ուստի Դանի որդիները բարձրացան ու Լեսէմի դէմ պատերազմեցան. զայն գրաւեցին, զայն սուրի բերանէ անցուցին, եւ անոր տիրանալով՝ անոր մէջ բնակեցան, ու Լեսէմը իրենց հօր՝ Դանի անունով Դան կոչեցին։

Ա՛յս է Դանի որդիներուն տոհմին ժառանգութիւնը՝ իրենց գերդաստաններուն համեմատ, այս քաղաքներն ու անոնց աւանները։

ԵՐԿՐԻՆ ՎԵՐՋԻՆ ՅԱՏԿԱՑՈՒՄԸ

Երկիրը իր սահմաններով ⁷բաժնելը աւարտելէն ետք, Իսրայէլի որդիները Նաւեան Յեսուի ժառանգութիւն տուին իրենց մէջ.

Տէրոջ հրամանին համաձայն՝ անոր տուին իր խնդրած քաղաքը, Թամնաթ-Սարան՝ Եփրեմի լեռնակողմը. ան ալ քաղաքը կառուցանեց եւ անոր մէջ բնակեցաւ։

Ասոնք են այն ժառանգութիւնները, որ Եղիազար քահանան, Նաւեան Յեսու եւ Իսրայէլի որդիներուն տոհմերուն նահապետները վիճակով բաժնեցին Սելովի մէջ՝ Տէրոջ առջեւ, Հանդիպումի վրանին մուտքը. ու երկիրը բաժնելը աւարտեցին։