Nehemiah 10

Ezra  «  Nehemiah 9  ‹  Nehemiah 10  ›  Nehemiah 11  »  Esther

ԺՈՂՈՎՈՒՐԴԸ ԿԸ ՍՏՈՐԱԳՐԷ ՀԱՄԱՁԱՅՆԱԳԻՐ ՄԸ

Ահա՛ւասիկ կնքողները.— Աքաղիայի որդին՝ Նէեմիա ¹Կառավարիչը, եւ Սեդեկիա.

Սարայիա, Ազարիա, Երեմիա,

Փասուր, Ամարիա, Մեղքիա,

Քետտուս, Սաբանիա, Մալուք,

Հարիմ, Մերամոթ, Աբդիա,

Դանիէլ, Կանաթոն, Բարուք,

Մեսուղամ, Աբիա, Միամին,

Մաազիա, Բեղգա ու Սեմայիա. ասոնք քահանաներն էին։

Նաեւ Ղեւտացիները.— Ազանիայի որդին՝ Յեսու, Ենադադի որդիներէն՝ Բանուի, Կադմիէլ,

եւ անոնց եղբայրները՝ Սաբանիա, Ովդիա, Կովղիտա, Փաղայիա,

Անան, Միքա, Րոհոբ, Ասաբիա,

Զաքուր, Սարաբիա, Սաբանիա,

Ովդիա, Բանի ու Բանինու։

Ժողովուրդին գլխաւորները.— Փարոս, Փահաթ-Մովաբ, Եղամ,

Զաթու, Բանի, Բունի, Ազգադ,

Բեբայի, Ադոնիա, Բագուէ, Ադին,

Ատեր, Եզեկիա, Ազուր,

Ովդիա, Հասում, Բեսէի,

Արիփ, Անաթովթ, Նովբայ,

Մագփիաս, Մեսուղամ, Եզիր,

Մասիզեբէլ, Սադովկ, Յադդուա,

Փաղատիա, Անան, Անանիա,

Ովսէէ, Անանիա, Ասուբ,

Ալոհէս, Պիլա, Սոբէկ,

Հռէում, Ասաբանա, Մաասիա,

Աքիա, Անան, Օնան,

Մալուք, Հարիմ ու Բաանա։

ՀԱՄԱՁԱՅՆԱԳԻՐԸ

Մնացեալ ժողովուրդը, քահանաները, Ղեւտացիները, դռնապանները, երգողները, Նաթանայիմները, եւ բոլոր անոնք՝ որ երկիրներու ժողովուրդներէն զատուած էին՝ Աստուծոյ Օրէնքին հետեւելու համար, իրենց կիները, որդիներն ու աղջիկները, այսինքն բոլոր անոնք՝ որ ²կրնային հասկնալ,

իրենց երեւելի ³եղբայրներուն թիկունք եղան՝՝ եւ անէծքով երդում ըրին, որ Աստուծոյ ծառային՝ Մովսէսի ⁴միջոցով տրուած Աստուծոյ Օրէնքին համաձայն ընթանան, եւ մեր Տէրոջ՝ Եհովայի բոլոր պատուիրանները, ⁵դատավճիռներն ու կանոնները պահեն եւ գործադրեն։

Նաեւ խոստացանք, որ մեր աղջիկները երկրին ժողովուրդներուն չտանք, եւ անոնց աղջիկները մեր որդիներուն չառնենք.

եթէ երկրին ժողովուրդները Շաբաթ օրը ծախելու համար ապրանք եւ ամէն տեսակ հացահատիկ բերեն, անոնցմէ չառնենք Շաբաթ օրը կամ սուրբ օրերը, իսկ եօթներորդ տարին ⁶ներենք բոլոր պարտքերը՝՝։

Մեզի ⁷կանոն դրինք՝՝, որ ամէն տարի սիկղին մէկ երրորդը տանք՝ մեր Աստուծոյն տան ծառայութեան,

⁸առաջադրութեան հացին, մշտատեւ հացի ընծային, մշտատեւ ողջակէզին, Շաբաթ օրերուն, ⁹ամսագլուխներուն, հանդիսաւոր տօներուն, ¹⁰սուրբ բաներուն՝՝, Իսրայէլի ¹¹մեղքերու քաւութեան պատարագներուն՝՝ եւ մեր Աստուծոյն տան ամբողջ գործին համար։

(Փայտի մատուցումին համար՝ քահանաներուն, Ղեւտացիներուն ու ժողովուրդին մէջ վիճակ ձգեցինք, որ զայն ամէն տարի՝ որոշուած ատենները՝ մեր Աստուծոյն տունը տանինք նահապետութիւններուն համեմատ, Տէրոջ՝ մեր Աստուծոյն զոհասեղանին վրայ վառելու համար՝ ինչպէս Օրէնքին մէջ գրուած է։)

Նաեւ խոստացանք մեր գետինին երախայրիքը եւ ամէն ծառի բոլոր պտուղներուն երախայրիքը Տէրոջ տունը տանիլ ամէն տարի,

նաեւ մեր որդիներուն ու մեր անասուններուն անդրանիկները՝ ինչպէս Օրէնքին մէջ գրուած է. մեր արջառներուն եւ ոչխարներուն առջինեկներն ալ մեր Աստուծոյն տունը տանիլ՝ մեր Աստուծոյն տան մէջ պաշտօն կատարող քահանաներուն։

Մեր խմորներուն ¹²երախայրիքը, մեր բարձրացնելիք ընծաները, այսինքն՝ ամէն տեսակ ծառի պտուղը, քաղցուն ու իւղը պիտի տանինք քահանաներուն՝ մեր Աստուծոյն տան ¹³սենեակներուն մէջ, ու մեր գետինին արտադրութեան տասանորդը՝ Ղեւտացիներուն. Ղեւտացիները մեր բոլոր ¹⁴հողամշակութեան քաղաքներուն մէջ տասանորդներ պիտի առնեն։

Ահարոնի որդին՝ քահանան՝ Ղեւտացիներուն հետ պիտի ըլլայ, երբ Ղեւտացիները տասանորդ առնեն. Ղեւտացիներն ալ տասանորդին տասանորդը պիտի ¹⁵տանին մեր Աստուծոյն տունը՝ գանձատան սենեակները։

Արդարեւ Իսրայէլի որդիներն ու Ղեւիի որդիները ցորենին, քաղցուին եւ իւղին բարձրացնելիք ընծան այդ սենեակները պիտի տանին, ուր կը գտնուին սրբարանին առարկաներն ու պաշտօն կատարող քահանաները, դռնապանները եւ երգողները։ Այսպէս՝ մեր Աստուծոյն տունը պիտի չլքենք։