Ruth 4

Judges  «  Ruth 3  ‹  Ruth 4  ›  1 Samuel 1  »  1 Samuel

ԲՈՈՍ Կ’ԱՄՈՒՍՆԱՆԱՅ ՀՌՈՒԹԻ ՀԵՏ

Բոոս դուռը բարձրացաւ, ու հոն նստաւ. եւ ահա՛ այն ¹ազգականը՝ որուն մասին Բոոս խօսած էր՝ կ’անցնէր։ Բոոս անոր ըսաւ. «Դո՛ւն, այս-անուն, ²եկո՛ւր, հո՛ս նստէ»։ Ան ալ ³գնաց ու նստաւ։

Բոոս քաղաքին երէցներէն տասը մարդ առաւ, եւ անոնց ըսաւ. «Հո՛ս նստեցէք»։ Անոնք ալ նստան։

Յետոյ այդ ազգականին ըսաւ. «Նոյեմի, որ Մովաբի դաշտավայրէն վերադարձած է, մեր եղբօր՝ Ելիմելէքի արտին բաժինը կը ծախէ։

Ես ⁴մտածեցի ⁵քեզի իմացնել՝՝ ու ըսել. “Զայն գնէ՛ բնակիչներուն առջեւ եւ իմ ժողովուրդիս երէցներուն առջեւ”։ Եթէ պիտի փրկես՝ փրկէ՛. բայց եթէ պիտի չփրկես, իմացո՛ւր ինծի՝ որպէսզի գիտնամ։ Արդարեւ քեզմէ զատ փրկարար չկայ. ես քեզմէ ետք եմ»։ Անիկա ըսաւ. «Ես պիտի փրկեմ»։

Յետոյ Բոոս ըսաւ. «Այն օրը՝ երբ Նոյեմիի ձեռքէն արտը գնես, մեռեալին կնոջմէն՝ Մովաբացի ⁶Հռութէն ալ գնելու՝՝ ես, որպէսզի մեռեալին անունը հաստատես իր ժառանգութեան մէջ»։

Ազգականը ըսաւ. «Ես չեմ կրնար փրկել ինծի համար, որպէսզի ժառանգութիւնս չխաթարեմ։ Իմ փրկագինս դո՛ւն ⁷տուր՝ քեզի համար, քանի որ ես չեմ կրնար փրկել»։

Առաջ Իսրայէլի մէջ սա՛ սովորութիւնը կար.— փրկելու կամ փոխանակելու ⁸պարագային, ամէն արարք հաստատելու համար՝ մէկը իր կօշիկը կը հանէր ու միւսին կու տար. ասիկա Իսրայէլի մէջ վկայութիւն կ’ըլլար։

Ուստի ազգականը Բոոսի ըսաւ. «Դո՛ւն գնէ՝ քեզի համար», եւ իր կօշիկը հանեց։

Բոոս երէցներուն ու ամբողջ ժողովուրդին ըսաւ. «Դուք այսօր վկայ էք թէ ես Նոյեմիի ձեռքէն գնեցի Ելիմելէքի ամբողջ ունեցածը, եւ Քելլոնի ու Մահալոնի ամբողջ ունեցածը։

Մահալոնի կինը՝ Մովաբացի Հռութն ալ ինծի համար ստացայ իբր կին, որպէսզի մեռեալին անունը հաստատեմ իր ժառանգութեան մէջ, եւ մեռեալին անունը իր եղբայրներէն ու ⁹բնակարանին դռնէն չջնջուի. դուք այսօր վկայ էք»։

Դուռը եղող ամբողջ ժողովուրդը եւ երէցները ըսին. «Վկայ ենք։ Տէրը քու տունդ մտնող կինը Ռաքէլի ու Լիայի պէս ընէ, որոնք երկուքը Իսրայէլի տունը կառուցանեցին։ Դուն Եփրաթայի մէջ ուժեղացի՛ր, եւ Բեթլեհէմի մէջ անունդ թող հռչակուի։

Քու տունդ Փարէսի տան պէս ըլլայ — որ Թամար ծնաւ Յուդայի — , այն զարմով՝ որ Տէրը քեզի պիտի տայ այս երիտասարդուհիէն»։

ԲՈՈՍ ԵՒ ԻՐ ԶԱՐՄԸ

Բոոս Հռութը առաւ, եւ ան իր կինը եղաւ. երբ անոր մտաւ, Տէրը անոր թոյլատրեց որ յղանայ, ու որդի մը ծնաւ։

Կիները Նոյեմիի ըսին. «Օրհնեա՜լ ըլլայ Տէրը, որ այսօր քեզ առանց մօտ ազգականի չթողուց, որպէսզի անոր անունը Իսրայէլի մէջ ¹⁰յիշուի։

Ան քու անձդ պիտի վերանորոգէ, եւ ալեւորութեանդ նեցուկը պիտի ըլլայ. որովհետեւ զայն քեզ սիրող հարսդ ծնաւ, որ քեզի եօթը որդիէ աւելի լաւ է»։

Նոյեմի զաւակը առաւ, իր գիրկը դրաւ ու անոր դայեակը եղաւ։

Դրացի կիները անոր անուն ¹¹դրին՝ ըսելով. «Նոյեմիի որդի մը ծնաւ», եւ անոր անունը Ովբէդ կոչեցին։ Ան Դաւիթի հօր՝ Յեսսէի հայրը եղաւ։

Ահա՛ւասիկ Փարէսի ծնունդները.— Փարէս ծնաւ Եսրոնը,

Եսրոն ծնաւ ¹²Արամը, Արամ՝՝ ծնաւ Ամինադաբը,

Ամինադաբ ծնաւ Նաասոնը, Նաասոն ծնաւ Սաղմոնը,

Սաղմոնը ծնաւ Բոոսը, Բոոս ծնաւ Ովբէդը,

Ովբէդ ծնաւ Յեսսէն, եւ Յեսսէ ծնաւ Դաւիթը։